Gildistími samnings

Seljandi og niðurstaða útboðs

Afgreiðsla Microsoft-leyfa og tengd leyfaumsýsla var boðin út í samkeppnisútboði meðal hæfra Microsoft-endursöluaðila á Evrópska efnahagssvæðinu (EES). Útboðsgögn voru á ensku til að auðvelda þátttöku erlendra aðila og stuðla að aukinni samkeppni.

Insight Technology Solutions AB var valið sem seljandi á grundvelli niðurstöðu útboðsins og annast afgreiðslu Microsoft-leyfa samkvæmt rammasamningnum fyrir báðar vörukörfur, EAS og EES.

Seljandi

• Insight Technology Solutions AB
• Kt. 556555-9522

Miðlæg umsýsla gagnvart stofnunum

• Umbra – þjónustumiðstöð Stjórnarráðsins
• Kt. 420169-0439

Umbra annast daglega framkvæmd samningsins gagnvart stofnunum, þar á meðal pantanir, leyfaumsýslu og samskipti við seljanda. Stofnanir beina því að jafnaði pöntunum og fyrirspurnum vegna samningsins til Umbru.

Copilot innleiðing

Microsoft Copilot er hluti af rammasamningnum og stendur ríkisaðilum til boða samkvæmt þeim kjörum sem samningurinn kveður á um. Innleiðing Copilot verður áfangaskipt og fer fram í samráði við hverja stofnun út frá þörfum hennar, forgangsröðun og innleiðingaráætlun.

Fjármálaráðuneytið ásamt Umbru annast samræmingu innleiðingar í samstarfi við valinn innleiðingaraðila og Microsoft eftir því sem við á.

Markmiðið er að tryggja að hver stofnun fái viðeigandi undirbúning, ráðgjöf og stuðning áður en Copilot-leyfi eru tekin í notkun.

Stofnun verður ekki rukkuð fyrir Copilot-leyfi fyrr en leyfið hefur verið úthlutað til stofnunar og innleiðing eða notkun þess hefst samkvæmt samkomulagi.

Frekari upplýsingar um innleiðingu, pöntunarferli og tímasetningar verða veittar þegar undirbúningur innleiðingar hjá viðkomandi stofnun hefst.  Þangað til má sjá nánari upplýsingar hér: Stjórnarráðið | Innleiðing Microsoft Copilot hjá íslenska ríkinu

Hvernig er verslað

Umbra annast alla miðlæga umsýslu Microsoft-leyfa samkvæmt rammasamningnum og er fyrsti viðkomustaður stofnana vegna pantana, verðupplýsinga og leyfamála.

Pantanir: A1 og A2 ríkisstofnanir sem falla undir samninginn senda pantanir á Microsoft-leyfum til Umbru annaðhvort beint á email Umbru: msleyfi@rfs.is eða í gegnum  fyrirspurnir valmöguleikann á svæði Miðlægra samninga: RK 03.07 Microsoft hugbúnaðarleyfi fyrir A1 og A2 stofnanir ríkisins - Örútboð / Fyrirspurn | Miðlægir samningar 

Fyrirspurnir: Fyrirspurnum um leyfi, verð, breytingar og leyfaumsýslu skal beina til Umbru: msleyfi@rfs.is eða að nota fyrirspurnir valmöguleikann á svæði Miðlægra samninga: RK 03.07 Microsoft hugbúnaðarleyfi fyrir A1 og A2 stofnanir ríkisins - Örútboð / Fyrirspurn | Miðlægir samningar 

Verðupplýsingar: Gildandi verðskrár og nánari upplýsingar um leyfi í vörukörfum EAS og EES eru aðgengilegar innskráðum kaupendum á lokuðu svæði Miðlægra samninga.

Ný leyfi, breytingar á leyfum og árlegt True-Up uppgjör fara fram í gegnum Umbru samkvæmt skilmálum rammasamningsins.  

Nánari upplýsingar má finna hjá Umbru : Ríkissamningur við Microsoft | Umbra