Rammasamningur um þýðinga- og túlkaþjónustu. Samningurinn var boðinn út í 5 hlutum: 

Innkaup innan samnings:

Kaupendur eiga að kaupa þá þjónustu sem rammasamningurinn nær til hjá seljendum innan samningsins, nema annað sé sérstaklega tekið fram.

Ef enginn seljandi innan rammasamningsins getur veitt þá þjónustu sem kaupandi þarf, er heimilt að leita til þjónustuaðila utan samningsins.

Bein kaup

Kaupandi getur keypt þjónustu beint vegna einstakra verkefna, í samræmi við þau kjör og skilmála sem gilda samkvæmt rammasamningnum.

Við bein kaup skal fyrst leita til þess samningsaðila sem býður lægsta verðið. Geti hann ekki tekið að sér verkefnið er leitað til þess sem býður næstlægsta verðið og svo koll af kolli eftir þörfum.

Kaupandi getur einnig farið í örútboð meðal þeirra samningsaðila sem geta sinnt viðkomandi verkefni. Í örútboði má gera meiri kröfur til þjónustunnar og hæfis bjóðenda en þær lágmarkskröfur sem gerðar eru í rammasamningnum. Nánar er fjallað um örútboð hér fyrir neðan.

Kaupanda er heimilt, ef málefnalegar ástæður eru fyrir hendi, að kaupa þjónustu utan rammasamnings fyrir allt að 10% af ársveltu sinni í viðkomandi þjónustuflokki á undangengnu ári. Slík ástæða getur til dæmis verið sértækar þarfir kaupanda.

Dæmi: Ef kaupandi keypti þjónustu fyrir 100 m.kr. í viðkomandi þjónustuflokki árið 2023, má hann kaupa þjónustu fyrir allt að 10 m.kr. utan rammasamnings árið 2024. Árið 2025 miðast heimildin við 10% af kaupum ársins 2024 og svo framvegis.

Örútboð

Ef skilmálar rammasamnings eru að einhverju leyti óákveðnir skal fara fram örútboð milli
rammasamningshafa, eftir atvikum eftir að skilmálar eða tæknilegar kröfur hafa verið skýrðar nánar,
allt í samræmi við eftirfarandi reglur:

• Við gerð hvers einstaks samnings skal kaupandi ráðfæra sig skriflega við þá
  rammasamningshafa sem efnt gætu samninginn, eftir því sem við á.
• Kaupandi skal ákveða tilboðsfrest sem er nægilega langur til að rammasamningshafar geti
  gert tilboð vegna þess samnings sem um ræðir. Við mat á lengd frests skal taka tillit til hversu
  flókið efni samningsins er svo og sendingartíma.
• Tilboð rammasamningshafa skulu vera skrifleg og skulu ekki opnuð fyrr en tilboðsfrestur
  hefur runnið út.
• Kaupandi skal velja á milli tilboða rammasamningshafa á grundvelli valforsendna sem fram
  hafa komið í skilmálum rammasamnings.

Kaupendum er heimilt að gera ríkari kröfur til boðinnar þjónustu og hæfis bjóðenda í örútboðum
umfram lágmarksskilyrði rammasamningsins, enda séu þær kröfur tengdar efni samningsins,
málefnalegar, hlutfallslegar og fyrirsjáanlegar á grundvelli skilmála hans.

Öll almenn ákvæði rammasamnings eiga við um örútboð, þar með taldar verðbreytingar, eftir því sem
við á nema annað sé tekið fram.

Tveimur eða fleiri kaupendum í rammasamningnum er heimilt að fara í sameiginlegt örútboð. Þá eru
þarfir allra kaupenda sem eiga aðild að örútboðinu teknar saman sem ein innkaup. Jafnframt skal lýsa
með skýrum hætti umfangi, eðli og afhendingarfyrirkomulagi þjónustunnar eftir því sem við á.

Markmiðið með slíkum sameiginlegum innkaupum er annars vegar að kaupendur fái hagstæðara verð
vegna meira magns og að seljendur fá tækifæri til þess að skipuleggja betur útvegun og afhendingu
á því sem fyrirhugað er að kaupa í örútboðinu.

Ef kaup fara fram með örútboði þá skulu kaupendur velja hagstæðasta/hagstæðustu tilboð skv.
valforsendum örútboðsins að uppfylltum viðbótarkröfum til þjónustunnar. Valforsendur sem
bjóðandi getur stillt upp í örútboði eru eftirfarandi:

• Verð (tímaverð, fast verð eða hámarksverð) (0-100%)
• Þjónustugeta (0-70%)
• Afhendingartími (0-70%)
• Reynsla (0-70%)
• Fyrri verkefni (0-70%)
• Umsagnir um fyrri verk (0-70%) 
• Gæðavottun (0-70%)
  Undir þjónustugetu getur m.a. fallið umfang þjónustu, fjöldi tungumála og geta til að veita samfellda
  eða heildstæða þjónustu eftir þörfum kaupanda. Hvað varðar ofangreindar valforsendur og vægi
  þeirra í væntanlegum örútboðum, þá verður kröfum sem skilgreindar verða á grundvelli ofangreindra
  valforsenda, sem og vægi þeirra, lýst ítarlega í örútboðsgögnum.